登革熱個案一單接一單，仲有腸病毒同流感潮蓄勢待爆，我李衞真係好擔心醫療系統崩潰，都係落衞生防護中心（目及）（目及）好啲……

李衞：豈有此理，三疫拍門，內科病房隨時爆上爆，你仲懶懶閒？

總監雄：點止呀？仲有埃博拉隨時殺到，到時仲大鑊呀！

李衞：伊波拉就伊波拉啦，既然你知道咁嚴峻，仲唔快啲做好防疫？

總監雄：防疫係治標唔治本嘅，最緊要係加病床加醫護，咁先長遠！

李衞：我唔同你拗，不過加病床先都冇壞，幾時搞？

總監雄：唔知喎。

李衞：唔知？

總監雄：係呀，依家又佔領又不合作運動，想拎錢唔易o架，或者拖到我退休呢！

李衞：九萬幾個藉口我都反駁到，呢個真係……唉！

第一手消息請下載on.cc東網iPhone/iPad/Android/Windows Phone Apps