黑武士、複製兵同絕地武士,一眾《星球大戰》角色竟訣別鬥爭,攜手闖進醫院,為病童送暖!原來係一群善心十足嘅星戰Cosplayer,配備頭盔同裝甲、手執激光劍同雷射槍,浩浩蕩蕩走入瑪嘉烈醫院探訪病童,同病童玩遊戲、說故事,又擺出有趣親切嘅甫士,吸引小朋友爭相上前握手合照,令沉悶嘅病房充滿笑聲,佢哋仲即席派發禮物,為病童打氣,盼望佢哋可早日康復。

星戰Cosplayer走進瑪嘉烈醫院兒童病房中探訪,他們悉心裝扮,成功逗得病童開懷歡笑。

蔣靜雯係少數喜歡扮演星戰角色嘅女生,更打扮得入型入格。

最愛扮演絕地武士的陳文冑(左一)樂於做善事,眼見病童展現歡顏,亦感滿足。

參與今次探訪活動嘅Cosplayer,來自星戰迷組織「Rebel Legion香港分隊」,在三年前成立,依家約有二十名會員。佢哋秉承為善最樂精神,積極參與社區服務,除探訪醫院外,亦曾探訪社區中心同參加奧比斯盲俠行等活動,全屬義務性質。最愛扮演絕地武士嘅陳文冑係隊長,樂於做善事,眼見病童重拾童真,大感滿足;蔣靜雯就係少數熱愛扮演星戰角色嘅女生,亦冀以嗜好與眾同樂。

有十四年歷史嘅國際性組織「Rebel Legion」,由美國星戰迷創立,係官方認可嘅星戰裝扮團體。時至今日,美國幾乎各州都擁獨立分隊,歐、亞、南美洲嘅多國同地區亦相繼倣效成立分隊,除參與官方電影宣傳活動外,亦會喺當地參加慈善活動,回饋社區。

第一手消息請下載on.cc東網iPhone/iPad/Android/Windows Phone Apps