合和實業主席「哥頓」胡應湘尋日接受電台訪問，大談童年往事同成名史之餘，仲自爆當年兄弟姐妹曾經對「分家」出現過少少拗撬，但幸好無釀成爭產風波。哥頓話爸爸胡忠早年以養豬維生，後來同朋友夾份買咗架的士，轉行做的士司機，之後就用多年積蓄做生意。哥頓喺九兄弟姐妹中排名第七，佢憶述爸爸當年特別錫佢，後來佢創立合和實業，都係得到爸爸喺金錢上支持。

胡應湘

正因為咁，當年灣仔胡忠大廈落成時，佢特登用父親名字命名，令當時年邁嘅爸爸非常感動。哥頓話非常佩服爸爸敬業樂業嘅拚搏精神，又話爸爸成日教佢要認清人生目標，同埋做人要勇於從失敗中吸取教訓。

第一手消息請下載on.cc東網iPhone/iPad/Android/Windows Phone Apps