SUN搞作:少膽虫手記:一辨知真偽
「少膽虫,你點做嘢o架?」淫賤黎指罵。少膽虫心諗︰「我一向都唔做嘢嘅,點會出錯呢?」淫賤黎續講︰「人哋有C朗支持,你睇《爛果》,晚晚淨係畀啲大媽圍!」少膽虫見淫賤黎怒火中燒,即刻急急補鑊,「腦細,唔使愁!我去搵B朗或者A朗嚟撐場,A、B點都勁過C啩!」
淫賤黎一下兜巴星,「A朗?!我依家要A貨咩?我唔理,人哋有C朗,我又要!」少膽虫忍住疼痛,手掩半邊臉,「腦細,咁真係有啲難度喎,而且人哋有,我哋又要有,似執人二攤……」淫賤黎托托肥大下巴,沉思謂︰「你都有啲道理,既然係咁,人哋搵C朗,我哋就搵美斯喇!」少膽虫一聽,興奮莫名,「咁易辦,一於交畀我喇!」
第二日,淫賤黎一返到公司,嚇到一地濕晒,成地冷汗,「少膽虫,你搵件木乃伊返嚟做咩?」少膽虫胸有成竹,「腦細,又係你叫我搵佢嚟支持《爛果》嘅,佢咪『美屍』囉!」