政壇：搞搞政：建制發動反擊戰 圖收復委會失地

擬提不信任動議

工務及人事編制兩個小組委員會主席職位旁落，建制都好頭痕，譬如早前工務小組會議便打破委員會一向議事慣例，要求運用主席權力調動會議議程，將民生議程調前優先審議，企圖拉布唔捱鬧，但就捏住政府條頸，政府同建制派梗係反對喇，但泛民依然為所欲為。建制派即時派人補加入兩個小組委員會，希望阻截泛民操控小組委員會，但又被拒。

建制派惟有根據議事規則轉為向財委會埋手，要求財委會投票決定是否容許佢哋補派人加入兩個小組委員會。由於建制派在財委會內人數佔優，幾乎肯定可以收復失地。咁仲唔止呀，建制仲擬訂「報復」計劃，準備用泛民慣用嘅絕招，向兩個小組主席梁繼昌同梁家傑提出不信任動議，如果動議獲通過，兩人就要辭去主席職位，呢次真係你做初一、我做十五咯。