「每隔一頭半個月就總有一兩日冇鹹水用，有時仲要成大半日都恢復唔到供應！」李先生家住皇后大道東，不滿鹹水供應經常中斷，日常生活飽受不便之餘，亦有感以淡水沖廁浪費資源，「儲成大半桶淡水先沖到一次，成家人一日落嚟都唔知要用幾多升水，真係好嘥！」

皇后大道東不時因事故而中斷鹹水供應，有市民直言大感困擾。

水務署發言人承認，去年八月至今年八月共發生五次水管滲漏或水管爆裂事故，影響範圍包括皇后大道東一帶的鹹水供應。今年二月及四月，為配合灣仔發展計劃第二期工程，灣仔海水抽水站亦曾兩度暫停運作，因而影響灣仔區鹹水供應。

李先生要求水務署早日更換老化水管，以免市民生活再因缺乏鹹水而造成滋擾，「灣仔係舊區，相信好多鹹水管都有番咁上下歷史，水務署真係要加快腳步，唔好爆一條先換一條。」

第一手消息請下載on.cc東網iPhone/iPad/Android/Windows Phone Apps