大埔墟站經常有人向乘客及途人行乞。
居於大埔的李女士每日均會乘搭港鐵前往九龍區，每遇繁忙時間大埔墟站均人頭湧湧，同時亦有疑似「行乞黨」於擠迫的通道向來往匆匆的人群乞討，「就算唔係日日有，都隔日就見到佢哋，我唔知佢哋係咪真係乞兒黨喺度搵食，但係啲人個個都急急腳咁行，有時都驚會踢到佢哋，港鐵範圍乜唔係唔准人乞錢嘅咩？」
港鐵發言人強調，根據《香港鐵路附例》第二十九條，任何人不得在鐵路處所內收取施捨或任何利益，違者最高可被罰款港幣五千元。發言人表示，大埔墟站的職員已留意到有關情況，每次均會勸告有關人士離開車站，以免影響乘客出入，至今未有不合作情況出現。發言人又承諾，會繼續監察及勸告，如乘客發現類似情況可向車站人員反映，職員會即時處理，保障通道暢通。
第一手消息請下載on.cc東網
