財爺鬍鬚曾喺早幾年嘅預算案就話要搬走灣仔海旁嘅三座政府大樓，騰出更多用地嚟應付甲級寫字樓嘅需求，之後冇晒影，早前終於聽到樓梯響嘞！

陳家強

政府擬於長沙灣通州街同東京街西交界興建名為「庫務大樓」嘅新政府聯用辦公大樓，用嚟重置喺灣仔海旁嘅三座政府大樓同現租用私人物業的部分政府辦公室。由陳家強做局長嘅財經事務及庫務局向立法會提交文件指出，計劃明年初向工務小組委員會同財務委員會申請一億零三百二十萬元，嚟進行施工前顧問服務，同年六月聘請顧問進行設計同實地勘測，預料會開設三十五個專業同技術人員職位，並喺二○一七年完成有關工作。當局又估計，有關政府辦公室遷離租用物業後，預計每年可節省約二千六百萬元嘅租金開支。

雖然政府想慳錢，但係泛民主派議員依家喺立法會發起不合作運動，睇嚟陳家強都要諗吓有乜計氹掂佢哋放行先得？

第一手消息請下載on.cc東網iPhone/iPad/Android/Windows Phone Apps