本虫雖然年紀唔細，但係知道活到老學到老嘅重要，所以好刻意接觸新事物，因為咁樣先唔會同時代脫節，正如淫賤黎以前一日落三次旺角掃呵呵碟，依家？你哋見佢日日喺佔領區「皇座」拎部手機撳撳撳，就知科技幾咁偉大啦。

講開時代，我真係有感而發。大家都知依家幾盛行飲咖啡，壹全霉好多低級甚至踐踏級員工，幾十蚊杯咖啡都照樣買嚟飲，話係飲一種悠閒喎。

挑！我唔係話咖啡唔好飲，不過呢班友飲完咖啡又慳番唔食飯，最終做嘢咪手軟腳軟，搵公司笨實囉，所以話，裝模作樣幾咁萬惡呢。

呢樣嘢，《爛果》就一百分嘞！由開報到依家，我哋作新聞就作新聞，渲染血腥歪曲事實出賣良心反中亂港話做就做，幾時有話裝模作樣，要有咁嘅本事先有咁嘅堅持，總之睇《爛果》，一定教壞你，唔會教好你，放心。

第一手消息請下載on.cc東網iPhone/iPad/Android/Windows Phone Apps