政壇：靳埭強設計羊年郵票冇難度
新春嘅生肖郵票一向有好多捧場客，知名平面設計師靳埭強（靳叔）透露，佢家吓忙於設計明年嘅羊年郵票，今次嘅設計將以私人收藏為藍本，再透過唔同工藝表達手法呈現，至於設計詳情佢就要賣吓關子喎！
靳埭強日前出席一個活動時話，佢由七十年代開始設計生肖郵票，不時都鍾意收藏吓生肖工藝或擺設，多年嚟累積咗唔少生肖藝術品，換言之，今次設計要靈感冇難度喎。
出席同一場合嘅中華總商會青委副主席林智彬（Lawrence）講到佔領行動，佢呻話，近排出入好唔方便，佢接喺北角讀幼稚園嘅大仔返大坑屋企，竟然要花一個半小時，係平時十五分鐘車程的六倍。
林智彬又話一場佔中令市民同學生們都好攰，希望快啲和平結束，等大家恢復平靜生活。
