馬國明：好可惜
【本報訊】藝人陳開心溘然離世，去年曾與她合作電影《緣來是遊戲》的無綫藝人馬國明，得悉事件大感惋惜：「尋晚剛剛返香港，今朝就收到個消息，聽完覺得真係估唔到。」有傳其父曾阻止她入行，更指她生前患有情緒病，馬國明表示：「唔清楚，同佢合作覺得佢好活潑，都問我好多演戲嘅嘢，佢演戲好有熱情，覺得好可惜。」
陳開心與馬國明合照。（互聯網圖片）
電影人陳勳奇曾找張智霖及袁詠儀合作拍戲，間接促成他們拍拖，亦是二人半個媒人，雖然Chilam身在福州，但他從電話中接受訪問時，指非常關心陳勳奇的心情：「月頭銀都電影公司請食飯，我同佢合照。大家入行咁多年梗係識啦，但朋友同生活圈好唔同，所以唔算太熟，消息傳來非常震驚，希望陳勳奇節哀順變。」
李思捷聞死訊震驚
至於曾與陳開心傳緋聞的男星李思捷收到消息後亦表示震驚，雖然兩人已大半年沒有見面，但仍保持友好關係。他形容對方是個很開心的人，不覺得她有情緒病：「佢平時有打拳、做GYM，做好多運動，唔覺得佢有咩問題。（因為佢爹哋唔想佢入行而唔開心？）相信唔會，佢上次拍戲都好興奮，喺內地出席活動都會同我分享，相信佢爸爸對佢好好。」
另一緋聞藝人黃又南直言：「記者打嚟我先知，聽到消息好震驚，無論點都係朋友一場，希望佢家人節哀順變，佢喺另一個世界活得開心、快樂。」
