「依家啲後生仔都唔知搞咩，成日話買唔到樓，但又唔好好工作，日日瞓街。」一男子埋怨。「良老闆，你講得好啱！我啲生意成億億聲上落，咁搞法仲得了？」良老闆回頭一望，搭話者原來係利老闆，「利老闆你都同意我呢，不過你盤生意幾時做到一日賺幾百萬？有好路數都唔益小弟？」

利老闆面有難色，稍作遲疑，「唏，講呢啲！講番轉頭，後生嘅應該知『和諧』先會經濟好。」良老闆猛點頭，「係囉，計我話啲後生仔太貪心啦，又要理想、又要食飯、又要買樓、又要娶老婆，所以話福利太多，縱壞晒佢哋。」

文老闆經過聽到對話，笑謂︰「兩位老闆，有無咁誇張？我啱啱先請咗個後生仔，佢只有一個要求。」良老闆利老闆瞪眼，難以置信，「一個要求咁少？」

「個後生仔話人工過萬四蚊就得，佢話唔想做窮人，咩權利都無晒喎。」

第一手消息請下載on.cc東網iPhone/iPad/Android/Windows Phone Apps