陳鏡沐
信銀國際司庫Woody陳鏡沐返埋尋日，就離開効力六年嘅信銀國際，佢尋日就大讚過去同事之間合作好愉快，而過檔之前就會去旅行叉電先，然後再履新。佢仲話信銀國際管理層臨別送咗份紀念品畀佢，係由行政總裁張小衞挑選嘅水晶千里馬，擺設嘅題字寫住「志在千里」，睇嚟一眾管理層對於佢更上一層樓都感到好開心。
Woody十一月就會正式過檔渣打香港，開頭應該有排忙，佢話嚟緊會先去一轉日本，包括東京同北海道自駕遊。
金融海嘯之後大眾都愈嚟愈重視財資市場，Woody經常出嚟同大家分享睇法，所以都係傳媒之友，希望佢到渣打履新環球市場主管之後，繼續分享心得。
第一手消息請下載on.cc東網
