城中鏡：朱仔訪清華 全中文對話

創業為改變世界

身穿灰色短袖T恤加藍色牛仔褲嘅朱仔，同觀眾交流公事以至私事嘅想法。談及中國創新方面嘅問題，佢認為中國有好多最創新嘅公司，透露日前同小米老闆雷軍食過飯，讚揚小米嘅產品很好，而且很便宜，相信會發展得很快，又認為騰訊嘅微信業務做得很大，淘寶則創造了很多工作機會。

不過，中國到依家仍然禁用fb。對此，朱仔未有正面回應，但就話fb已經喺中國了，透過fb嘅廣告，協助中國企業吸納外國客戶，同時協助全球其他國家與中國聯繫。對於fb未來嘅發展，朱仔話未來十年有三大發展重點，一係連接整個世界，二係發展人工智能，三係發展虛擬實境。

對於想創業嘅同學，朱仔苦口婆心咁話最好嘅公司都唔係因為創辦人想創業而創立，而係因為創辦人想改變世界。

至於點解會想學中文，朱仔話自己係從一○年開始學中文，因為想同太太以及太太嘅家人溝通，仲有係因為覺得中國係偉大嘅國家，因此想學中文感受中國魅力。