壹全霉近排厄運連連，連《爛果》發行都屢遇阻滯，雖則係廢紙啫，但正所謂輸新聞唔輸陣，點都要印番咁上下數目，畀人墊煲底又好，透爐BBQ又好，拎嚟食又好，都算有剩餘價值吖。點知啲《爛果》出到街，竟然畀人淋豉油，唔通咁樣好食啲？

「腦細，整單咁嘅嘢，到底有乜玄機？」本虫致電鎮守「皇座」嘅淫賤黎，問吓點算好之餘又博吓表現，佢聽我講完，哈哈哈咗一大輪，良久先回話：「阿虫，你咁都唔明？淋豉油嗰啲梗係忠實讀者啦！近排我哋淨係掛住鼓吹佔乜佔物攪亂香港，忽略咗宣淫販賤，讀者淋豉油都係表達不滿，要我哋加鹹啫！我近排日日都要同外部勢力勾結，唔得閒指揮，你今晚就幫我落重料，慰勞吓班忠實讀者！」

淫賤黎果然係淫賤黎，竟然睇出加鹹玄機，我收線之後亦都急急執行任務，務求令《爛果》鹹到苦，報答讀者淋豉油嘅苦心。

第一手消息請下載on.cc東網iPhone/iPad/Android/Windows Phone Apps