有市民喺屯門醫院撞到醫管局行政總裁賢賢，市民立即衝上前，對賢賢破口大罵，一齊睇吓發生乜事。

市民：終於畀我見到你，你個虐待老人家嘅衰人！

賢賢：我？我好尊重老人家o架，你唔好亂講！

市民：冇亂講，日前抽血區逼爆，搞到老人家要空肚等個半鐘先抽到血，仲要人多空氣又唔流通！唔係虐待係咩！

賢賢：哦……咁抽血要排隊係常識吧！

市民：排咁耐，叫啲老人家點等呀！

賢賢：人手唔太足夠，大家將就吓。

市民：唔夠就請人啦，咁等法唔係辦法！

賢賢：有得等好過冇得等，冇血抽咪仲慘，等吓啦！我就夠鐘放工啦！

市民：#@@*&^!&*!!!

第一手消息請下載on.cc東網iPhone/iPad/Android/Windows Phone Apps