政壇：發叔預言佔中下月收檔

佔領行動已展開咗近一個月，完結之日看似遙遙無期，但每年車公誕都會為香港求籤祈福嘅新界鄉議局主席劉皇發，日前出席鄉議局執委會會議時就預言，佔領行動有望下月中「收檔」，莫非發叔搵過高人指點迷津？非也，發叔笑言佔領行動發展到十一月，相信學生都開始攰，加上入秋後氣溫驟降，學生又咁有學識，應該知所進退，時辰到就結束行動喎。原來發叔嘅預言係參透二十四節氣。照計學生最「知所進退」就係冇佔領新界地區，否則佔領行動睇怕更早收檔。