抵抗力弱兒童高危
【本報訊】過去香港曾多次爆發禽流感，當中不乏致命個案，醫學界人士提醒市民切勿鬆懈。家庭醫生關嘉美指出，現時香港最為常見的禽流感為H5N1及H7N9，兩者皆具一定傳染性及足以致命，而白鴿亦可為副黏液病毒、圓環病毒及腺病毒宿主，倘於兒童遊樂場放置捕鴿籠，會易令幼童受到感染，「啲鴿喺個籠度會掙扎，揚起晒啲羽毛，會增加擴散病毒機會，而且公園咁多抵抗力弱嘅人喺度，個個好奇去睇吓、摸吓，就有機會感染禽流感！」
有長者疑在籠內取出被捕獲野鴿。（讀者提供）
關又指，若果接觸帶有禽流感的野鴿分泌物後再觸摸眼耳口鼻，便有機會感染到病毒，而病人與其他人相處之後，亦會造成人傳人個案，呼籲市民減少與野鳥接觸，接觸後亦應以洗手液徹底清潔雙手，「啲排泄物就算乾咗都好，都仲有機會吸落肺度，所以小朋友唔好貪得意去摸啲鴿，如果掂到就要盡快洗手。」
