路牌傾斜好「牙煙」
居於葵涌區的吳先生早前途經大隴街，發現行人路有街道牌竟呈傾斜，擔心隨時塌下壓傷途人，「睇見都牙煙，個牌向住行人路嗰邊斜入去，好似就嚟跌落嚟咁，整親人就大件事！」吳指出上址鄰近便為巴士總站，人流暢旺，不滿政府部門未安排維修。
街道牌傾斜，一旦塌下將危及途人安全。
路政署發言人表示，接獲轉介後即時派員實地視察，發現上址街道牌有損毀情況，已隨即安排承建商維修，有關維修工作已於近日完成。
「投訴咗真係好快就有人嚟整番好，依家改善晒，冇再歪歪斜斜！」吳先生希望路政署加強主動巡查，如發現街道牌或路面出現損毀，應盡快跟進維修。
