謝斐道與杜老誌道交界被放置雪糕筒及有車輛違泊，令馬路路面嚴重收窄。
「呢頭啲酒樓驚啲客冇位泊車，所以啲代客泊車就去圈地霸位，好似條馬路係佢哋買咗咁！」陳先生不時駕車途經謝斐道及杜老誌道，發現上述路段的行車線常被放置雜物，交通更因違例泊車而進一步受阻，「個路口一邊有違泊，一邊就畀雪糕筒擋住，搞到要喺兩條線中間過。」
警方發言人證實，由今年一月至今共接獲五十宗有關涉事地段的違泊，以及六宗雜物阻街投訴，期間共發出約二百二十張定額罰款通知書及一張雜項告票。發言人強調，一直關注區內違例交通問題，將按情況執法，以保持道路安全及車流暢通。
不過，陳先生指午膳時間仍有人以雪糕筒「預留」車位，違泊車輛亦未見減少，「希望警方真係會勤啲執法，唔好等啲歪風繼續落去，因為依家個情況對守法嘅司機好唔公平。」
第一手消息請下載on.cc東網
