城中鏡：徐綺雯偕夫赴星 學做「華爾街狼人」
商界人士熱話「華爾街狼人」嘅商管騷，澳門孝思墓園後人兼模特兒徐綺雯（Candy）日前就同老公專程飛往新加坡，原來又係報讀咗「華爾街狼人」Jordan Belfort嘅精讀班，短短三日嘅課程，學費一啲都唔平，每人要二萬幾蚊，讀完之後，佢話獲益良多喎。
徐綺雯（左）同「狼人」Jordan合照，大讚對方靚仔。
Candy話，課程可以學習認識自己及銷售技巧，佢仲好開心可以同「狼人」合照，仲大讚對方靚仔添，咁究竟學到乜呢？佢話：「學會說話技巧、音調，對日後人與人之間的溝通好有幫助，上堂嘅同學全是做生意嘅人，佢哋都想從Jordan身上學習點樣變得更成功。」
除咗學習之外，Candy此行都品嘗過最愛嘅辣蟹同海南雞飯，又到Night Safari觀光，又試玩iFly，用一千蚊港幣喺空中飛行兩次約四十五秒，模擬從直升機跳下嚟的感覺，Candy話感覺好似在天空中飛，大呼過癮！
