城中鏡：復出拍教育短片 趙海珠考慮添B
由電視台跳往財經界發展嘅趙海珠，近排較少露面，日前見佢出席一個活動，原來佢會拍攝一個教育短片，唔講唔知，佢已經轉做全職媽咪半年喇。
趙海珠做咗全職媽咪半年之久，近日復出拍攝一個教育短片。
佢話，囝囝現時二十一個月大，啱啱做媽咪都有啲手足無措，依家總算上軌道喇，問佢會唔會再追個女做第二任媽咪，佢話：「考慮中，仔女都冇所謂，健康就得。」不過，佢似乎更有興趣復出工作，明言若有合適嘅工作，無論係幕前定係財經方面，佢都唔抗拒喎，佢話：「依家好啲，BB開始大，唔同啱啱出世嗰時，我出嚟做嘢對雙方都好，我希望BB獨立啲。」講番初做媽咪，佢話開始時好驚，連沖涼都要靠老公，依家總算告別手足無措。
