政壇：小米挖猛人 攻印度市場

好似小米要進攻同中國內地一樣人口咁多嘅印度市場咁，為咗強攻呢個市場，小米已經喺Google挖咗印度裔嘅Jai Mani返嚟幫手。小米向Google高層埋手都唔係第一次，依家嘅小米國際副總裁Hugo Barra就係Google嘅前任高管。而Mani嘅實力亦不容小覤，佢係前任Google主管，以前同Barra成日合作，嚟緊佢即將帶領小米嘅印度產品團隊，搶攻印度客戶。

小米要搶佔市場，除咗要同Apple、Samsung呢兩個大牌子競爭之外，仲要同印度品牌Karbonn同Micromax競爭，呢兩隻品牌分別擁有印度市場百分之八同百分之十八嘅市場佔有率，可見請個印度裔高層幫手打仗，真係極具挑戰性。根據印度報章報道，小米兩個月後會喺當地開賣紅米note，而小米4亦會喺年底上市。