繼爆出坑渠油風波後，早前又再有豬油相關油品被查出混入動物食用飼料用油出售，業界同市民對食品安全嘅警覺性亦提高咗。名廚Jacky 余健志日前出席活動前話，其實除咗人嘅食物安全，動物嘅食物安全佢一樣重視，除咗揀大牌子嘅貓糧同狗糧外，佢仲會自己親自落廚煮嘢食畀寵物。

余健志

Jacky話平日會喺社交網站同一班養寵物嘅朋友交流心得，討論寵物適合食啲乜嘢，例如狗唔可以食太油同太鹹嘅食物，所以佢個個星期都會煮啲薯仔、紅蘿蔔或番薯畀狗狗。但係佢話貓嘅性格就完全唔同，一味淨係食貓糧。佢想放心啲，惟有睇清楚啲貓糧嘅成分，再問吓朋友推介乜嘢牌子，如果買大牌子嘅貓糧都出事就冇辦法喇！

第一手消息請下載on.cc東網iPhone/iPad/Android/Windows Phone Apps