政壇：股神金漆招牌 用得唔好嘥

據聞股神一早有呢個想法，早喺二○一一年，喺致股東嘅公開信中就咁寫：「將商品買入，然後以品牌包裝出售，一直是生意成功嘅方程式。」

代表信任穩定誠信

有品牌顧問就話，正如布蘭森創辦嘅維珍代表反叛；蘋果公司因已故教主喬布斯成為了完美的代名詞；巴郡只會投資佢哋認識兼家喻戶曉嘅企業，好似國際商業機器（IBM）同可口可樂，因此巴郡個名包含咗信任、穩定同誠信。

其實股神唔少生意亦開始打正旗號用巴郡個名嚟經營，當中今年重組嘅電力業務，中美能源同PacifiCorp合併後易名巴郡能源。最近巴郡收購美國第五大汽車經紀商Van Tuyl時就話明，之後會改名Berkshire Hathaway Automotive。

至於美國以Berkshire Hathaway HomeServices品牌嘅地產經紀商到出年春天就將增加到近一千四百家。