藝人Michael王敏德同名模太太Janet馬詩慧尋日帶埋囝囝Kadin王躍穎出席護脊活動，擔任護脊大使嘅佢哋仲即席分享保護脊椎嘅心得。

王敏德、馬詩慧帶同囝囝出席護脊活動，仲即席分享護脊椎嘅心得。

問到係咪活動嘅代言人？Janet話純粹係嚟支持活動，又話：「因為依家好多人有脊椎問題，個個掛住玩電腦電話，打機令問題嚴重。小朋友真係好難教，惟有成日提住佢哋，仲曾經試過一兩次食飯嘅時候，收起啲遊戲機，但咪得嗰幾次作用。」隨後佢話自己係一家五口中最少玩電話嘅人：「因為我唔叻用電話，而Michael通常用電話都係做嘢多。」Kadin隨即乖仔上身話：「我同朋友出街有話邊個掂親遊戲機先就罰錢o架。」

Janet又透露，全家人都冇定期檢查脊椎嘅習慣，又話：「都係主要check身體內在問題多啲，即係血液嗰啲，冇檢查過呢個問題，只係有痛先去睇吓。不過其實發現有問題先檢查都係遲咗啦。」

第一手消息請下載on.cc東網iPhone/iPad/Android/Windows Phone Apps