SUN搞作：網絡小說：食油戰爭
作為一國之舵手，黑人總統算得上係幾上進，有時仲會效法康熙，喺白宮南書房同臣工討論時政，以增見識。今日，總統就約咗強國問題專員，探討吓點樣牽制強國。
「能源係國之根本，我哋花旗國打慣石油戰爭，不如就拿拿臨開佢波啦！」黑人總統邊指地圖邊噴口水，專員細細思量，久未言語。「你係咪啞咗？」總統按捺不住，提出質問式關心，專員見總統火起，唔敢再扮高手諗嘢，回話道：「總統先生，雖然強國好多煤礦油田國有資產都畀貪官賤賣咗，但係要截斷佢能源命脈，恐怕唔係一時三刻做得到，最怕就係招嚟食油戰爭大報復……」
專員見總統一臉訝異，呷一口咖啡再解釋：「總統先生，強國已經喺台港試行坑渠油計劃，我相信呢個係另類嘅愚民政策，當食蠢晒啲人之口就可以為所欲為。我哋花旗國暫時仲未研製出坑渠油解藥，暫時不宜妄動呀！」黑人總統本來都唔赦佢，但係諗起白宮廚房因為緊縮開支挽救保安漏洞，都係用緊強國食油，惟有擱置石油戰爭大計，再待時機。
