SUN搞作：SUN官場現形記：焗爐病房
將軍澳醫院男內科病房日前暫停供應冷氣，令病房如焗爐，溫度一度超過攝氏三十四度，有病人無法抵受病房過熱，出現病情加重，李衞去搵醫管局行政總裁賢賢問吓佢有咩解釋。
李衞：連冷氣都壞，想熱死人咩！
賢賢：依家已經恢復正常，唔使擔心。
李衞：但病人嘅病情嚴重咗，你責無旁貸！
賢賢：冇計o架，我都唔想……好彩冇搞出人命。
李衞：之後再壞點算？
賢賢：加風扇囉……
李衞：加完都熱辣辣，冇用嘅！
賢賢：咪當係訓練吓啲病人適應唔同溫度，下次再出事都唔怕啦！
李衞：咁你又唔喺office熄冷氣？
