父辭工照顧兩女生活徬徨
【本報訊】「（疑兇）累死佢啦，我死好過佢死呀。」劉痛失「愛妻」要辭去工作獨力照顧兩女，面臨教育及金錢問題，感徬徨無助。劉任職地盤工人，事發時他與妻女出門，打算在地下大堂分道揚鑣，他前往屯門開工，妻子則負責帶兩女坐車轉港鐵上學，詎料會遇上兇手。
死者同居男友表示要辭去工作照顧兩女。（資料圖片）
事發前曾遭踢門
劉表示，案發前一晚，曾有人踢寓所大門，其妻感到驚惶不已︰「好恐怖，唔想住呀，想走！」劉聞言曾向保安員反映事件，並準備搬走，但在走廊遇上疑兇時並無防備，料不到有人突然逞兇。劉感前路茫茫，「份工做唔到啦，一日有千幾蚊，依家冇咗份工，尋日身上得四百蚊，依家得二百蚊，食飯都成問題。」他昨日曾回家打理，一聽到有拍門聲，已慌張不已，恐再有兇徒出現，劉不禁衝口而出：「快啲走，會搬走，唔住得啦。」
兩名女兒年紀小小，便失去母親，劉形容：「徬徨就肯定徬徨啦，心情唔會好，媽媽對佢哋都好好。」他稱讚「妻子」賢淑偉大，「對小朋友好好，做人處世都好好，自己嘅苦衷唔講，冇人好似佢咁好。」劉亦面臨教育問題，直言「唔識教」，「老婆教佢哋又乖又純又叻，讀書好叻o架，大嗰個讀書要一百分，佢好緊張。」他希望女兒可以盡快回學校讀書，莫辜負母親期望。
劉續稱，疑兇搬入上址約兩年，與他從來沒有交流，「我哋早出晚歸，六點起身走人，四點返嚟，八點就瞓覺，冇可能會騷擾到人，都冇打過招呼，隔籬鄰居都好好，冇議論嘅嘢。」故不理解對方何以對他們施襲。
