SUN搞作：SUN官場現形記：膽未練，命先……
升降機急墜事件又再次發生，機電工程署署長帆帆例牌巡視，市民見到佢嬲到火都嚟埋，一場舌戰自然免不了。
市民︰出咗事先嚟煞有介事，過一排咪當無事。
帆帆︰……呢啲嘢非人力可以控制。
市民︰哦，一句就想推得一乾二淨，點對得住啲傷者？
帆帆︰有咩對唔住，仲幫咗佢哋添。
市民︰嘩！好嘢，講出嚟唔面紅，難為傷者驚到面青青。
帆帆︰啱喇，經歷咗呢次，佢哋嗰膽都練大咗。
市民︰照你咁講，唔使檢查啦，跳樓升降機整番好仲點練膽？
帆帆︰唔得，唔檢查，佢下次唔跌就唔係咁好啦！
市民︰@##$$%%^
