政壇：廠商會高層帶隊嘗靚蟹

中華廠商聯合會（廠商會）換屆在即，一眾副會長按照傳統慣例，出錢宴請會董及會長擦餐勁作為答謝。咁啱入秋，正係大閘蟹誘人時，一眾廠商會高層拉隊去中環馬車會所舉行「醉蟹秋宴」。會長選舉兩大候選人包括第一副會長陳淑玲（Shirley）與第二副會長李秀恒（Eddy）暫停拗手瓜，與一眾會董開心品蟹。

蟹香酒醇，施榮懷（右五）與一眾副會長及會董齊品嘗，包括副會長陳淑玲（右四）、李秀恒（左三）及顏吳餘英（右三）。

陳淑玲訂來三百隻肥美大閘蟹益會友。

Shirley訂來大籮三百隻肥蟹任食，Eddy都唔執輸，將珍藏多年共十二支五十年茅台「晒冷」，大家一啖蟹膏，一啖茅台，酒香中有油脂甘腴的滋味，令眾人回味無窮。講到食蟹，Shirley嘅「蟹齡」長達數十年，佢記得當年喺上海食蟹，每隻只係十元，抵食到極。

蟹宴上，獲答謝嘅會長施榮懷向兩大會長候選人敬酒打氣，無分彼此。施榮懷話，競爭在所難免，但佢哋係良性競爭，無論結果如何，最緊要團結喎。