政壇：內地電動車借雷軍過橋
小米創辦人雷軍成日畀人話係靠山寨蘋果公司（Apple Inc.）模式起家，但「蘋果公司設計靈魂」之稱嘅艾維（Jonathan Ive），近日對外界將小米形容為「中國Apple」嘅講法好唔認同，佢日前出席《名利場》峰會，被問到對小米被稱為「中國Apple」有咩感覺時，就毫不客氣咁話：「可能有點嚴厲，但我不認為這是一種（對蘋果公司）恭維」，仲話當一個團隊花咗七、八年時間開發一項產品，隨後就畀人抄襲，係非常粗暴懶惰嘅剽竊。
內地車廠推出的一款電動車，由品牌、徽號至車名，都有影射小米及雷軍之嫌。
對於被指山寨蘋果公司，小米過去多番呼冤，仲話自己其實都係山寨產品嘅受害者。諷刺嘅係，雷軍同小米的確成為咗「被山寨」對象，內地甚至出現一款叫「雷軍電動」嘅新能源房車，事關內地車廠喺上周初，發布一款叫「雷軍電動」嘅新能源房車，車徽就有抄襲小米「mi」品牌之嫌，擺明借雷軍同小米「過橋」咁款！
