黃傑龍推出優惠卡，向惜食顧客提供優惠。
香港每日產生的廚餘數量相當驚人，現時各界都絞盡腦汁設法減少廚餘，經營飲食業嘅稻苗學會主席黃傑龍（Simon）就有妙法，辦法仲同儲分制相若添。
Simon平時經常喺前線打拚，見盡港人嘅飲食百態，佢話旗下食肆經常有客人食剩嘢嘅情況，最誇張嗰次係有六個客人走咗，枱面竟然剩低八人分量嘅食物，食唔晒一方面係「眼闊肚窄」，一方面亦顯示好多人未加入惜食嘅世界，為咗改善呢個情況，佢諗咗條橋，就係提供一張綠色優惠卡畀冇食剩嘢嘅客人，下次再幫襯時可享優惠，鼓勵客人保持不留廚餘嘅良好習慣。
第一手消息請下載on.cc東網
