勞工處指地盤使用的電泵，必須符合英國制式消防標準，是否意味該制式比其他制式更安全？消防專家指，本港絕大部分消防標準均跟隨英國制式，與殖民地背景有關，而現時其他標準如美國標準等，安全系數亦相當高，絕對安全。

黃偉焯指，美國及歐盟等消防標準，安全程度與英國制式相若。

「香港以前係英國殖民地，好自然就會跟番英國嘅制式，即使之後回歸咗亦都無變。」消防工程公司業務經理黃偉焯指，消防處在訂定消防安全標準時，大都會以英國制式作為指定規格，惟一般同時會列明類同制式亦可使用，「佢無可能列晒邊隻標準適合或者唔適合，所以所謂標準大都係參考性質。」

黃又表示，除英國標準外，歐盟及美國亦為規格較高的標準，而歐盟及英國的標準又較為相似，「其實呢幾個地方標準嘅安全系數都相當高，各樣嘢都唔會相差太遠，只要消防當局檢查過無問題，絕對可以喺香港安全使用。」

第一手消息請下載on.cc東網iPhone/iPad/Android/Windows Phone Apps