SUN搞作：打橫嚟講：罷課不罷學 遇上孫中山
今日，香港班中學生跟大哥哥一起罷課，力撐香港真普選。有左派言論話「政治不應帶入學校」，咁就錯到無朋友啦！家陣啲年輕人透過互聯網，早已涉獵不少民主資訊，思考力猶勝啲老左土共，佢哋自有想法，要撳都撳唔住的了！只會愈撳愈出屎！
隔籬屋三婆個孫仔肥超，攞住張報紙走嚟搵我。
我問：「做乜唔返學？」
肥超：「罷課吖嘛！」
我話：「罷課，但唔好罷學喎！」
肥超：「咪係囉！所以有嘢要請教你囉！」
我說：「乜事？」
肥超show我報紙內一張相，係幾個親共建制派議員上京去到一個富二代開設嘅餐館食飯，並同那處擺放的孫中山銅像合照，而相片說明係：「愛國議員與國父銅像合照。」咁！肥超問：「孫中山係邊個國嘅國父？」
我答：「中華民國。」
肥超：「呢班人係邊個國嘅子民？」
我答：「中華人民共和國。」
肥超：「咁中華民國嘅國父，關中華人民共和國嘅子民乜事喎！佢哋做乜認親認戚？」
你哋話點答呢？我就唔識嘞……
唔怪得香港教育局刪掉歷史科啦！現只不過一個銅像啫！已無從解釋，若再畀啲學生知多少許，真唔知點算！
更怪不得那大棚親中愛國者，大力阻攔學生罷課啦！因大批學者向罷課不罷學的學生講解「民主意義」和「中國近代政治」，要讓年輕人覺醒，真嚇死班左佬也！
彭志銘
次文化考古學家，對城中潮語有深入研究，博徵博引，廢官廢人行埋一邊。
歡迎add我facebook一齊(目及)實政府
