劉燕卿上任申訴專員冇耐，已經多次主動出擊，調查多個部門嘅不當行為，最近一單係調查樹木辦管理甩漏，又指多個相關部門亦表現參差，同埋有關法例對私人土地嘅樹木亦有規管不足等問題。其實過去已經發生多宗塌樹意外，造成市民人命傷亡，到依家先話調查已經慢咗幾拍啦，希望呢個調查可以堵塞相關部門同法例嘅漏洞，咪再變做無牙老虎啦！
