政壇：「香港人優先」疑內訌解散

相信大家都留意到，「香港人優先」過去示威遊行例必高舉港英旗同米字旗，但疑因內訌終解散收場。「香港人優先」成員Billy招顯聰尋日喺網上自爆，今年五月同另一名成員張漢賢協議喺落馬洲有行動，懷疑有人一早向警方爆料，並臨陣退縮導致行動失敗，加上喺強闖解放軍駐港軍營案中，張漢賢突然認罪，早前又自稱係闖軍營策劃者等，因此已經無再同對方合作。佢透露，曾要求張漢賢退出「香港人優先」，之不過對方唔肯，最終雙方協議解散組織，從今以後佢都唔再係「香港人優先」於社交網站嘅版主嘞！