喺過去幾屆立法會，當中有幾個傳統功能組別係富貴黨嘅地盤，好似批發及零售界，第一代由「莎姐」周梁淑怡接掌，到○四年就傳位畀方剛，眨吓眼已十年。方剛年事已高，一六年打算退位畀黨友邵家輝，不過邵家輝能否成功接棒，目前似乎有唔少暗湧。

邵家輝

聽聞方剛近日不停帶住邵家輝同其他零售界人士會面。有資深零售界人士話，雖然邵家輝好勤力，但富貴黨內部都唔係一面倒支持佢，例如黨內一名連鎖零售店老闆就好似有微言，所以業界人士都話要用少少時間，睇吓邵家輝係咪適合代表業界。

再講邵家輝唔一定無對手，因業內另一具江湖地位的香港零售管理協會主席麥瑞琼，最近雖公開話唔參選，但有知情人士話，麥瑞琼口講當然話唔選啦，但過多兩年當佢退休後，可能有唔同諗法呢！

第一手消息請下載on.cc東網iPhone/iPad/Android/Windows Phone Apps