話說強烈熱帶風暴「鳳凰」早前吹襲台灣，台南及台東等地風雨交加，過百班航班受影響延誤或取消，台鐵、高鐵等鐵路服務亦一度暫停。

羅台秦（左）有老公戴澤良（右）提醒，喺打風前提早返港。

本身係台北人嘅仁愛堂副主席Louisa羅台秦前日剛喺台灣返港，佢形容台灣周不時遇到打風，不過通常都係台南或台中一帶地區受到比較多影響，而佢媽媽就住喺台北，佢都有返去睇吓家中嘅情況，認為只要做足防風措施的話，一般都好安全嘅。

Louisa又話女企業家協會一連多日嘅訪問團，聯同廣西女商會等成員分別去咗廣西、香港同台北幾個地方訪問，而咁啱打風前後幾日，佢哋就喺台北度過，之不過由於佢要出席前晚嘅活動，加上老公戴澤良提醒要早啲返，所以佢就早咗回港，避過咗航班延誤甚至冇機返嚟嘅混亂時刻，至於其他團員有啲就選擇多留一至兩日繼續旅程喎！

第一手消息請下載on.cc東網iPhone/iPad/Android/Windows Phone Apps