SUN搞作：打橫嚟講：「先生」是甚麼？你不配！

本欄早日話過呢位先生係傳媒甜心，愛向記者講話o架啦！佢透過傳媒，話班學生仔聲明中有三大錯，包括唔應該稱他「先生」，因為佢係「教授」喎！

哈哈！鬼整了！咁大個人，仲話係做過大學校長，使唔使咁「小學雞」呀！唔摻你玩o架！

想不到，堂堂一個前大學校長，竟不知「先生」是何等高貴的尊稱，覺得被學生叫做「先生」為一種「侮辱」，難怪學生會會長回應說不稱佢做「教授」，因「他不配」喎！

「先生」一詞，是「年長有學問的人」解（見《孟子》），亦是「老師」的尊稱，甚至係文人學者的「自稱」，故錢鍾書夫人楊絳一直以「先生」之名自居，勿以為她是中式八股老學究，楊先生曾留學英法的知識分子呀！

仲有呀！除有學問的教授愛自稱「先生」外，即使讀書少的市井基層，也知「先生」大名係好嘢嚟啦！上海青幫大佬杜月笙只是個賣梨的江湖小混混，當了「幫主」後，更以「先生」稱號為榮呀！

身為教育界領頭人的「先生」，鄙視「先生」稱號，好名「教授」，是為無知也！而更無常識的，古時中國人會尊稱「大夫」（醫生）做「先生」的！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府