啟德郵輪碼頭又出現千人排隊場面，旅客嬲到震，一見商經局局長蘇卡片行過，自然向佢大罵一番。

旅客︰呢度無其他嘢睇，最出名就係人！

蘇卡片︰你講咩？我唔明喎。

旅客︰你睇唔到咩？咁多人排隊，你哋點做嘢？

蘇卡片︰又冇的士？我即刻幫你call。

旅客︰係辦登船手續要排長龍，唔夠人就請人啦！

蘇卡片︰嗱，你唔好亂講。

旅客︰我亂講？呢度成千人排隊，仲要等成兩粒鐘，咁仲唔係唔夠人？

蘇卡片︰係囉，有成千人排隊，點會唔夠「人」呀？

旅客︰@#*^%$#

第一手消息請下載on.cc東網iPhone/iPad/Android/Windows Phone Apps