張炳良
運輸及房屋局前日公布《鐵路發展策略2014》，建議喺一八至二六年興建七個新鐵路項目，涉資一千一百億元。新鐵路固然係改善交通，便利市民出入嘅措施，值得一讚。運房局局長張炳良尋日亦公開講話鐵路發展已到臨界點，再有發展亦只會着眼喺偏遠地區。咁講表面睇係量力而為，但係若果呢啲工程都交畀港鐵嘅話，張炳必須嚴謹睇好盤數同工程進度，咪重蹈「貪曾」前特首曾蔭權爵士任內提出嘅「十大基建」，最後搞到一鑊粥嘅覆轍。
第一手消息請下載on.cc東網
