目前全港至少有十二萬個違例招牌，市民出街真係一步一驚心，倘遇颱風襲港，隨時造成人命傷亡。一向唔踢唔郁嘅屋宇署，卒之喺舊年九月實施違例招牌檢核計劃，成年過去，只收到七十二份申請，反應冷淡。有議員質疑違法者點會自己投案，點中咗計劃反應冷淡嘅其中一個原因，而署長許少偉係咪為慳人手，先至唔主動出擊檢控違例招牌亦係焦點所在，難怪有人質疑佢「係咪要等到有人死先識做嘢！」唔該佢咪再放慢手腳，縱容都市炸彈嘞！
許少偉
