政壇：田二少拍片叫泛民讓座

仲記得立法會議員「田二少」田北辰早前倡議立法規定乘客讓座畀有需要人士，引起網民激辯，最近佢更進一步聯同黨內元朗區議員黃卓健拍攝題為「讓座真『恭』夫，唔好怕辛苦」嘅短片。該短片首先由黃卓健出場效法成龍大哥大耍功夫，其後有旁白先後提及捲入政治捐款醜聞嘅工黨主席李卓人同社民連主席「長毛」梁國雄，話如果叫李卓人主動讓個「位」出嚟就難啲，又話咪睇長毛中氣十足，原來早前因踢波整傷隻腳，亦有需要有人讓座畀佢。田二少總結話，應該將關愛座改為持證優先座，唔使令大家因為讓位問題尷尷尬尬喎！