SUN搞作：SUN官場現形記：危險招牌高高掛
全港大量違例招牌高掛，市民隨時「中頭獎」，屋宇署推出自願招牌檢核計劃，至今收到約72份申請書，反應冷淡，李衞去搵屋宇署署長偉偉問吓佢點算好。
李衞：自願招牌檢核計劃成效咁低，點搞呀？
偉偉：計劃初頭係咁，都算唔錯啦！
李衞：得72份申請書仲話唔錯？但全港至少有12萬個違例招牌喎！
偉偉：好過一份都冇吖，加上我哋自己都有執法嘅。
李衞：你哋執法仲少之又少啦！
偉偉：我哋咁多嘢做，係慢少少o架啦！
李衞：係咪要死咗人先識驚、先識做嘢？
偉偉：唉，真係死咗人，到時唔做嘢都唔得啦！
李衞：離譜！*&%^#$%!!!@!
