城中鏡：李雲迪做model為保良局獻「身」
秋風起，大小店舖都換上秋裝，保良局最近嘅慈善義賣「唯愛行動」服飾亦好適合秋冬季節，今次供義賣嘅服裝係由內地著名時裝設計師張帥同兩間機構合力打造，佢哋喺近大半年時間中策劃、籌備及推廣，設計同推出咗四款愛心服飾，為咗增加叫座力，又邀請唔少港、台、內地、韓國甚至泰國等名人、明星穿上愛心衣飾作號召。
李雲迪着上呢件愛心外套，為保良局嘅義賣行動做生招牌。
張帥
鋼琴王子李雲迪都有份出力，佢着住呢件外套，係張帥以積木嘅形態繪製大人與兒童手牽手嘅圖案，設計意念係宣揚社會大眾應對特殊兒童，給予理解及關愛，依家義賣活動嘅首輪計劃已於本月12日喺內地展開及發售，據講獲得好熱烈嘅回響，依家主辦單位正積極籌備喺香港展開第二輪慈善義賣行動。活動籌得嘅所有善款，扣除成本後，將會用於香港保良局關懷特殊兒童捐助計劃，幫助自閉兒童融入社會。
