城中鏡：囡囡想赴美升學 上山詩鈉心驚驚
暑假啱啱過，好多香港學生都去咗外國升學，從事保險嘅上山詩鈉日前同女兒Hilary盛裝出席一個時裝活動，佢透露，女兒希望去美國讀書，但佢擔心美國危險，心驚驚咁話。
上山詩鈉（右）同女兒出席一個時裝活動，透露女兒準備入大學。
上山詩鈉透露，今次係第一次同女兒觀看時裝騷，問到女兒是否有意入行，她表示：「未知，因為仲細，佢今年最後一年準備入大學。」佢話，個女坦承已經有男朋友，又計劃去美國讀書，做媽咪嘅對兩件事反應不一，佢並唔擔心女兒拍拖，反而驚佢想去美國讀書，驚當地危險喎。
不過，距離上山詩鈉女兒升大學仲有一段時間，佢哋可以慢慢諗。
