SUN揭秘：大排筵席51圍拉攏「折扣黨」
電召的士市場中，「折扣黨」是最不可忽視一群，他們有自己組織及熟客群。大家以為「折扣黨」會跟電召Apps鬥個有你死活，事實上，這群「折扣黨」曾是電召Apps的招攬對象。一名「折扣黨」阿頭披露，有電召Apps登陸本港後，立即請食飯，商討合作機會。
最着緊靚「order」
於「折扣黨」世界，每個群組都叫「街」，負責接電話再將「order」分發出去的叫「街主」。在電召大戰中，他們一度被拉攏。一名「街主」透露：「佢哋想喺香港立足，就同我哋食飯，想試我哋實力，睇我哋條街有幾多人。結果嗰日，我哋足足坐咗五十一圍枱。間公司見我哋咁多人，即刻話送錢畀我哋上佢個App，每日用六個鐘，就送十蚊。不過後嚟司機見無咩靚order（長途客）冇人肯接，佢哋就唔再派錢。」
「街主」直言，他們最着緊是「靚order」：「好似筲箕灣去大埔，全程行高速公路，又快又遠，就係靚order。」能給「靚order」，對他們來說就是合作，否則就是競爭。但對未來發展，他說仍是未知之數。
