一眾立會保安員笑住揸住長繩。（互聯網圖片）
立法會喺今年多次發生衝擊事件，最嚴重一次可算係新界東北撥款爭議，保安員當時用血肉之軀擋住示威者入侵立法會大樓，多人因此受傷而送院。新一個立法年度又將開始，立法會都做好準備，仲替保安員安排咗退修課程，增加彼此嘅默契添。
立法會秘書長陳維安（Kenneth）尋日喺社交網站上載多張保安員參加退修課程嘅相片，相中可見，多位保安員揸住條繩笑得好開心，莫非秘書處想趁休會為保安提供另類訓練？
Kenneth話，為咗促進保安員之間嘅團隊精神，秘書處特意設計一系列團隊活動，藉此訓練大家嘅默契。其中一個遊戲就係各組要派出一位代表，向導師學習打一款特別繩結，之後就要返去教其他隊員，最快學識打繩結組就算贏。
第一手消息請下載on.cc東網
