SUN搞作：打橫嚟講：香港敢言的甜心

嗱嗱嗱……繼八月三十一日，陪梁振英宣布「政改框架」之後，前日，撲去電台談學生罷課。聽李校長發噏風，要先調校好心態，不可動怒，因佢嘅水平係咁嘅料嘛！

李國章質疑大學生罷課一星期是犧牲不夠的，最好係「退學」，咁先係「可以做到一件好事」，佢其實暗諷家陣香港廢柴政府，成棚人日日嗌為香港好，如果真想為香港着想的話，應全部收皮，做件好事啦！

另外，李校長作為一個「知識分子」和參政多年，又怎會不懂「大陸政治」吖！

但佢專登提中共最怕得要死的敏感議題，話「西藏人自焚」，都改不了中共的政策，並呼籲「如果不喜歡共產黨，想搞革命，是可以的……請返深圳搞，返北京搞……」喎！呢啲話，唔係個個「中國人」敢講o架！要有膽量和勇氣至得o架！

加上，李校長又借勢踢老毛一腳，抦佢捧啲紅衞兵出來，矛頭直指今天大陸嘅領導層，因不少是做過「紅衞兵」的啊！

李國章口沒遮攔，真替佢擔心，因佢出了岔子，報章少了話題，我哋也少了娛樂，香港人之損失呀！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府